Iratzarri Bizkaia » Etxebizitza gazteontzat

Bilboko Aralar eta Iratzarrik udaletxeari eskatu diote “etxebizitzaren arazo larria konpontzeko eta “beren eskubidea gauzatzen dutenak jazartzeari uzteko”.

bizkaikoiratzarri — Wed, 16 Apr 2008 09:08:12 +0000

Alderdi abertzaleak eta bere gazte erreferenteak gaztetxeek eta oro har, auzoak baztertzen dituen eta hiri elitista eraikitzen duen modeloaren kontra antolatzen diren alternatibek jasaten duten jazarpena salatu dute.

Alde zaharreko gaztetxe 7 katu eta Erriberako etxe okupatuaren desalojoen harira, eta Olabeagako gaztetxeak daukan arriskuaren aurrean, Bilboko Aralarrek eta Iratzarrik zera adierazi nahi dute:

Kasu guztietan aipagarri da gune okupatu hauek auzoetan duten babes eta integrazio maila. Are gehiago, eraikinak berrituak, margoztuak eta garbituak izan dira, jasaten zuten utzikeriaren aurrean. Gaztetxeen kasuan, erreferentziazko gune irekiak ziren gazte eta antolakunde zein auzo elkarteentzako, hauek erreflexiorako toki bezala eta auzokideentzako baliagarri ziren ekimenak bultzatzeko.

Azkuna jaunak (PNV) gidatutako udala ez dela ari bakarrik hiria auzoak ahazten dituen modelo elitista batera eramaten ari, indar polizialaz bere irizpidea jarraitzen ez duten alternatiba guztien kontra jotzen duela baizik. Adibideak San Frantzisko auzoko Gran Hermanotik doaz, desalojoetatik pasaz eta ihauterietan zein Aste Nagusian konpartsek jasaten duten jazarpeneraino doaz. Galdetzekoa da PNVren gobernukide den EB zein paper ari den jokatzen desalojoen prozesu guzti honen inguruan.

Bilboko gazteriak etxebizitzarako eskubidea dauka, eta udala hori bermatzeko bere esku daukan guztia egiteaz arduratu ordez, bere esfortzu guztiak espekulazio urbanistikoan, Deustoko kanala kasu, eta euren eskubideak aldarrikatzen dituztenak era zatarrean desalojatzera bideratzen dituela dirudi. Bilbon 17.000 etxebizitza baino gehiago daude hutsik, eta aldi berean milaka pertsonek ez dute etxebizitza baterako sarbiderik.

Babesa eta elkartasuna eskeini nahi diegu gaztetxeei eta etxebizitza ruin baten alde mugitzen diren gazte guztiei, beren mobilizazioekin egin nahi dugun bezala, eta era berean gure oposizioa erakutsi nahi diogu Bilboko Udalari, hauengana praktikatzen duen errepresio eta jazarpenagatik.

Bilboko aralar: www.aralarbilbao.net

Etxebizitza eskubidearen aldeko kanpaina aurkeztu zuten larunbatean Bilbon.

bizkaikoiratzarri — Tue, 01 Apr 2008 12:26:37 +0000

Etxebitza Gazteontzat plataformak prentsa aurrean aurkezpena egin zuen larunbatean Bilboko udaletxea parean, hurrengo hilabetean garatuko duen kanpaina aurkezteko.

Etxebizitzaren eskubidearen ukazioa gehienok jasaten dugun errealitate bat da, eta konkretuago eta era bortitzago batean gazteok. Hori dela eta, azken hilabeteetan Bilboko Gazte Mugimenduko eragile desberdinen artean (hasiera batean Gazte Komunistak, Bilboko Okupazio Mugimendua, Euskadiko Gazte Kontseilua, Segi, Eraldatu ikasle sindikatua, Ikasle Abertzaleak, Iratzarri, Euskal Herriko Gazte Komunistak eta Plataforma por una Vivienda Digna) elkarlan bat abiarazi dugu, Azaroan burutu genituen topaketak lehen urratsa izan zirelarik. Topaketa hauetan ondorio desberdinak atera genituen, garrantzitsuenak hauek zirelarik:

* Etxebizitza eskubidea ukatua daukagu gaur egun
* Ukazioaren arrazoi nagusia etxebizitza jasaten ari den merkantilizazioa da
* Horren atzean erantzule nagusi batzuk daude: banketxeak, promotorak, inmobiliariak, konstruktorak eta hauek defendatzen dituzten politikak.
* Gaur egun administrazio publikotik abiarazten diren politika desberdinek ez diote arazoari irtenbide errealik planteatzen.
* Gazteok gure arazoei aurre egin behar diegu eta ez dugu itxaron behar inork dagokiguna eman arte, guk geuk eskuratu behar dugu, eta horretarako antolatzea eta borrokatzea ezinbestekoa da.

Topaketen ostean beraz, gure artean antolatzeari ekin diogu, eta horri begira, ikusita Bilbon auzo desberdinetan eta eragile desberdinek beraien borroka eta dinamika propioak dituztela, uste dugu Bilbo mailan behar duguna ez dela beste eragile bat sortzea, baizik eta jada martxan dagoena elkar-osagarria egingo duen espazio bat irekitzea borroka guzti hauek mugimendu bakar bat osatzen dutela irudikatuko duena eta horrekin batera jende guztiari mugimenduan parte-hartzea ahalbideratuko duena (era guztietan).

Horretarako bi tresna nagusi planteatzen ditugu:

* Irudia. Mugimendua bat dela irudikatzeko ikonoa edo izango litzateke, mundu guztiak etxebizitzaren aldeko borrokarekin identifikatuko lukeena.
* Edukia. Nahiz eta mugimenduak izaera zabala duen, oinarrizko eduki ideologiko batzuk izan behar ditu, eta hori da hau, irudiaren atzean dauden ideiak. Zentzu praktiko bat izan behar dute, hau da, idei orokor eta abstraktuetatik, etxebizitzaren arazoari aurre egiteko neurri praktiko eta zehatzak izango dira.

Datozen egunetan ZEUK DAUKAZU HITZA kanpaina deitu duguna abiarazteko asmoa daukagu. Kanpaina honen helburua lehen aipaturiko mugimenduaren edukiak osatzea da, eta horretarako prozesu partehartzaile bat irekiko dugu, gazte guztiek parte hartu behar dugulako horren sorkuntzan.

Gazteen partehartze bermatzeko gure asmoa jendeak ekarpenak egiteko kutxak jartzea da, non jendeak bere aportazioa egingo duen. Honekin batera blog b tirekiko dugu kutxen funtzio berarekin eta baita jendeak eritziak botatzeko, galderak egiteko etab-erako foro batekin.

Kanpaina Martxoaren 29-an hasteko asmoa daukagu, eta Apirilaren 18an bukatzekoa. Bukarea bezala, kalejira, jolasak, ekitaldia eta kontzertu batzuk burutzeko asmoa daukagu.

Beraz, zuengana hurbiltzen gara bai kutxen kanpainan zuen inplikazioa eskatzeko, baina hortik haratago ere, orokorrean sortu nahi dugun etxebizitza mugimenduan ere partaide izan zaitezten. Zuen inplikazio maila zuen esku dago: kutxak jartzea, mobilizazioetan parte hartzea, asteroko bileretara etortzea… guk mugimendua zentzurik zabalenean ulertzen dugu. Inporta duena da guztion artean bakoitzak bere harritxoa jarriz gure eskubideen gauzapena lortzea.

Etxebizitza gazteontzat!

bizkaikoiratzarri — Sun, 02 Mar 2008 09:38:12 +0000

Etxebizitza gazteontzat plataformak ekimena burutu zuen joan den martxoaren 1ean Bilboko Arriaga enparantzan etxebizitza eskubidearen alde.
Hona bideoa:

Etxebizitza eskubidearen aldeko Bilboko gazte mugimenduaren konzentrazioa (2008-01-24)

bizkaikoiratzarri — Tue, 29 Jan 2008 16:01:19 +0000