Iratzarri erakundeak gogor hasi ditu Bilboko aste nagusiko jaiak. Iratzarrikideek zenbait aldarrikapenekin (feminista, gay-les borroka, independentzia eta sozialismoaren, euskararen defentsan, AHTren aurka…) pankarta ugari jarri zituzten jai-gune ezberdinetan zehar. Horrez gain jai herrikoi eta parte-hartzaileen aldeko kanpaina ere zabaldu zuten hiri guztian zehar. Bilboko Aralarrek ere dinamika bera jarraitu zuen.
Jaietan eraso matxista, homofobo edo arrazistei KAÑA!
Bilboko Iratzarri erakundearen asanbladak kanpaina prestatu du aste nagusiko jaietarako. “Jai herrikoi eta partehartzaileak, bilbo hiritarrona” lemapean. Jaiak irauten duen 9 egunetan hirian zehar aldarrikapen ezberdinak zabaldu nahi ditu Aralarren gazte erreferenteak, aldarrikapenak eta festak behar duten tokia izan dezaten. Gainera, kanpainaren materiala gune ezberdinetan herritarrentzat eskuragarri izango dela adierazi dute asanbladatik. Bestalde Bilboko aralarrek eta hiriko Iratzarrik Pagasarri aldizkariaren ale berezi bat prestatu dute festetarako. Azkenik, Iratzarri erakundeko ekintzaileak Bilbon bilduko dira abuztuaren 16an, erakundeak hilabetero egiten duen hegoaldeko koordinakundea ospatzeko.
Etxebitza Gazteontzat plataformak prentsa aurrean aurkezpena egin zuen larunbatean Bilboko udaletxea parean, hurrengo hilabetean garatuko duen kanpaina aurkezteko.
Etxebizitzaren eskubidearen ukazioa gehienok jasaten dugun errealitate bat da, eta konkretuago eta era bortitzago batean gazteok. Hori dela eta, azken hilabeteetan Bilboko Gazte Mugimenduko eragile desberdinen artean (hasiera batean Gazte Komunistak, Bilboko Okupazio Mugimendua, Euskadiko Gazte Kontseilua, Segi, Eraldatu ikasle sindikatua, Ikasle Abertzaleak, Iratzarri, Euskal Herriko Gazte Komunistak eta Plataforma por una Vivienda Digna) elkarlan bat abiarazi dugu, Azaroan burutu genituen topaketak lehen urratsa izan zirelarik. Topaketa hauetan ondorio desberdinak atera genituen, garrantzitsuenak hauek zirelarik:
